*Free shipping over $800
Snowkids Capsule Paint
環保又充滿驚喜！
今次呢個Capsule Paint 係Snowkids 全新推出嘅產品~ 佢地足足用左兩年時間去研發呢個獨一無二又安全嘅產品俾小朋友玩~ 將藝術同科學混合而成嘅messy paint 產品~利用科學嘅原素將顏料凝固成唔同顏色同設計嘅顏料球。小朋友玩嘅同時，亦會引起佢哋嘅好奇心， 又可以提高小朋友對藝術嘅興趣!
套裝包括:
🌟6支140ml 膠囊顏料- Capsule Paint ( 粉紅色，藍色，黃色，綠色，紫色，橙色)
🌟2支140ml 透明膠囊劑- Capsule Maker Solution
🌟1個透明膠囊製作盤- Capsule Making Tray
🌟1張可棄置嘅透明 messy play mat
膠囊顏料會唔會好似普通膠咁分解唔到？
唔會啊！因為本身膠囊顏料係用食物材料製造，所以佢係可以用天然方法分解，而唔會影響同污染我哋嘅環境~
膠囊顏料會唔會有異味？
唔會啊！呢個亦都係我地最鍾意Snowkids 產品嘅地方！完全係無異味，同製作過程同材料都非常謹慎同安全，確保小朋友係玩嘅時候亦都可以安全使用~
講製作步驟之前，先同大家介紹下個Capsule Making Tray 嘅唔同部位同用途~ 了解左再講製作步驟，相信會更容易了解😊
顏料圓格（Capsule Hole) - 呢個部位主要係放capsule paint~ 放顏料嘅時候，顏料一定要keep住係圓格入面，盡量唔好流出圓格外
膠囊製作長方格 ( Capsule Maker) - 呢個部位主要係倒Capsule Maker Solution 嘅起點。夠足夠份量
Solution 指標線 (Capsule Maker Guide) - 呢條線係倒Capsule Maker 嘅指標線。倒Solution 嘅時候，只是一直倒到掂到指標就可以停止
製作capsule paint 嘅步驟:
Step 1: 先將capsule paint 慢慢倒入每個顏料圓格入面，只要倒到差唔多滿就可以啦，但唔好倒得太滿。留意返，倒左solution 之後，膠囊顏料會輕微縮細
Step 2: 之後慢慢將capsule maker solution 慢慢由膠囊製作長方格開始倒起，直至倒到掂到指標線為止就可以停。大概會用到70 mL嘅solution 份量。為免影響膠囊形狀，請慢慢倒入solution
Step 3:再將已裝左solution嘅膠盆左右搖擺，等solution能夠平均覆蓋到所有膠囊顏料。
Step 4: 最後，等到45秒至1分鐘時間後，就可以慢慢將形成嘅膠囊顏料徒手或者用匙羹拎出嚟。留意返，浸得越來嘅膠囊顏料就越硬身。根據返你哋想玩嘅需要，可以製造出唔同硬度嘅膠囊顏料
除咗整圓形膠囊顏料，亦都可以整條型?
Capsule Paint 嘅開口樽設計亦可以幫到製造條形嘅膠囊顏料架！只要先將solution 倒入Capsule Maker Tray 到，再唧入條型嘅Capsule Paint 就可以😊 小朋友就可以整到一碗五顏六色嘅麵條😆
膠囊顏料唔一定係要單一顏色架！仲可以俾小朋友自己設計唔同款色嘅膠囊顏料~
Capsule Paint Solution 可以重用？
只要係solution 無俾顏料整污糟嘅情況，玩完之後倒返入一個空樽入面儲存，就可以重用3-4次 (但唔好同啲未用過嘅solution 溝埋一齊儲存)
Capsule Paint vs Snowcolor
Capsule Paint 亦都可以當普通finger paint 咁用~ 佢同Snowcolor一樣都係可以係黑光下發光~ 但係唯一唔同嘅地方，就係Snowcolor唔可以用嚟整膠囊顏料~
產品測試同認證
- 通過人過肌膚敏感測試，敏感肌膚都能夠安心使用
- 符合歐盟標準，獲得多項安全認證
- 韓國KC天然無毒專利安全認證
- 通過着色劑，防腐劑，螢光增白劑，十九大重金屬等檢測
- 6大無添加，包括防腐劑，螢光增白劑，抗菌劑，塑化劑，酒精
⚠️留意事項⚠️
係唔同嘅平面質地可能會影響顏料易清潔度~ 所以玩之前可以先用少少顏料試下會唔會容易清潔~
係一d唔吸收嘅平面，例如玻璃，瓷磚，甚至係衣服都有機會會留有痕跡。所以建議小朋友係玩嘅時候，著返一件袍保持衣服同皮膚乾淨。